Аналитика каналаMaxШәһри Казан / Шахри Казан

Молодцы! Менә нинди матур дуэт килеп чыккан❤️

Кайбер соклар канны сыеклата һәм тромблар барлыкка килүне булдырмый калырга ярдәм итә икән. Куе кан күп кенә куркыныч һәм хәтта дәвалап булмый торган авыруларның сәбәпчесе булырга мөмкин. Алар арасында кан тамырлары киңәю, тромбоз һәм инсульт та бар. Әлбәттә, бу очракта табиб киңәшләре мөһим. Тиешле препаратларны ул язып бирә. Әмма шул ук вакытта канны сыеклата торган берничә табигый дару да бар. Сүз җиләк соклары турында. Кура җиләге согы. Бу эчемлек аспиринны да алмаштыра ала, чөнки аңарда температураны төшерә һәм канны сыеклата торган ацетилсалицил кислотасының зур концентрациясе бар. Шулай ук аңарда кан оешуына комачаулый торган калий да бар. Җир җиләге согы. Әлеге сокта тромблар барлыкка килү куркынычын киметә торган шул ук микроэлементлар бар. Тик сак булырга кирәк, аллергия барлыкка килергә мөмкин. Карлыган согы. Температураны төшерергә, шешенүне киметергә ярдәм итә һәм нерв системасын стимуллаштыра. Җиләкнең үзендә күп санда органик кислоталар бар, алар куе кан барлыкка килүгә комачаулый. Мүк җиләге витаминнарга һәм микроэлементларга бай, шуңа күрә ул ялкынсынуга каршы чара да булып тора. Аның составына керүче кислота кан оешуын булдырмый калырга ярдәм итә. Чия согы куе канны сыеклату өчен мөһим булган барлык микроэлементларга да ия. Нәтиҗәлелеге белән аны кура һәм җир җиләге согы белән чагыштырып була. Гранат согын анемиядән эчәргә киңәш итәләр. Бер көнгә – бер стакан. Даими эчкән вакытта ул кан әйләнешен яхшырта, канны сыеклата, организмнан шлакларны һәм токсиннарны чыгара.

Казанда көрәш буенча Россия чемпионаты тәмамланды. Татарстан җыелмасы 10 мөмкинлектән 9 алтын медаль яулады. Бер "генә" көмеш!

Озак еллар бер рольне уйнау ардыра. Шәүкәт абый Биктимеров уйнавыннан туктагач, спектакль кую да тукталды. Ул уйнаса, мин эшли идем әле. Без ул вакытта бик карт та булмаган. Әҗәлне уйный башлаганда миңа – 38, Шәүкәт абыйга 48 яшь иде. Хәзер 48 яшьлекләр театрда малайлар ролен башкара. Шәүкәт абый да кайвакыт әлеге әсәрне уйнаганда үз сүзләрен кертеп җибәрә иде. Кайвакыт онытылып китә. Оркестр утыра торган чокырда дирижер Фоат Әбүбәкиров бөтен спектакльнең сүзләрен яттан белә иде, онытылып китсә, ул әйтеп җибәрә. Шуннан... Тулырак: https://shahrikazan.ru/news/intervyu/ravil-sarafiev-aalne-uinyi-baslaganda-mina-38-ias-ide

Балачакта бары да ерак була; Ерак иде басу капкасы; Әллә кайда иде күрше авыл, Ничек кенә урап кайтасы! Үсеп җитеп булмас кебек иде... Интекмәдек озак баш ватып: Без түш белән шуып чыгып киттек Балачактан... капка аслатып. Тик бер генә карамакчы идек Офыкларны авыл читеннән, Түбәләр дә инде күренмиләр... Ераккарак ахры кителгән. Хәтердәге җепнең бер башыннан Шул балачак һаман тарткалар, Йөгереп кире кайтыр идек тә бит — Эчтән бикле калды капкалар! Харрас ӘЮП

“Әлмәндәр” белән “Әни килде” кире сәхнәдә: театр безгә нәрсә искәртә? Казан театрлары сәхнәсенә халык яраткан, классик әсәрләр кайтты: Камал театрында өч дистә ел аншлаг белән барган – Туфан Миңнуллин әсәре буенча “Әлдермештән Әлмәндәр”, ә Тинчурин театрында – Шәриф Хөсәенов әсәре буенча “Әни килде” спектакле. Бу әсәрләрнең янә сәхнәгә кайтуы сөендерә, әлбәттә. Мәгънәле әсәрләр сандыкта җиде кат йозак астында тузан җыеп ятарга тиеш түгел. Куйсыннар, күреп, белеп торыйк. “Театр яктылыкка, нурга илтә”, – диләр бит. “Әлдермештән Әлмәндәр” – җирдә яшәүгә, күңел хөрлегенә дан җырласа, “Әни килде” – гомер көзенә җитеп үз балаларына сыймаган ана трагедиясен ача. Ике спектакль дә мәңгелек темаларны, проблемаларны ача. Андый әсәрләрнең сәхнәгә кайтуы: Әлмәндәр карт кебек яшәгән һәр көннән ямь-тәм табып яши белмәүне, балаларныңтәрбияләп үстергән, газиз анага рәхмәтле була алмавын искәртә. Яшәү беркайчан җиңел булмаган. Аеруча Әлмәндәр карт яшәгән XX гасыр гына ни тора. Рус-япон сугышы, Гражданнар сугышы, Бөек Ватан сугышы... Әмма бу әсәрләрнең геройлары елар вакытта да, сөенерлек сәбәп таба белгән. Хәзер тормыш җитеш, йортларыбыз җылы, тамак тук. Әниләрне өй түрендә кунак итә торган, Әлмәндәр карт кебек сөенеп яши торган заман. Әмма картлар йортларында балалары булып та соңгы көннәрен яшәүче картлар, чебеннән фил ясап уфтанып йөрүче кешеләр артканнан арта бара. “Михнәткә түзеп була, рәхәткә чыдап кара”, – дип юкка әйтмәгәннәр. Театрларда премьералар уйландыра. Шул ук вакытта тагын бер кызганыч якны да ачып бирә. Соңгы дистә елда тарихка кереп калырлык, еллар дәвамында сәхнәләрдә уйнарлырлык әсәрләр бармы? Искә төшерү кыен. Димәк, безнең чорны сурәтләрлек әсәрләр юк. Дөрес яшибезме икән соң? Илгизә Галиуллина

"Ак Барс" үз мәйданында "Металлург"ны янә җиңүгә иреште. Исәп - 4:1! Шул рәвешле, сериядәге исәп 3:1, казанлылар файдасына. Гагарин Кубогының финалына чыгу өчен бер җиңү яулыйсы калды!

Зәлинә Хөсәенова.. Хәзергесе вакытта Арча районының Яңа Кенәр авылында урам коңцертлары бара.

Өчпочмак “алтынга тиң”: дүрт кешелек гаиләгә — 400 сум?! Татар табынын камыр ризыгыннан башка күз алдына китерү кыен. Татар мәҗлесенең сый өстәле дә төрледән-төрле пирог-бәлешләргә мул була. Милли гореф-гадәтләребез шулай куша, шулай тиеш... Дөрес, элек һәр авыл өендә ял саен диярлек пешкән камыр ризыгы исе таралса, хәзер анда да ялкауга чыктылар. Үзең пешереп интеккәнче, кибеттән чыгасың да аласың дип, инде әзерен өстен күрәләр. Яки анда да заказга пешертәләр. Иренмичә шуның белән керем алып тормыш итүчеләр дә барлыкка килде. Белгечләр әйтмешли: “Спрос рождает предложение”. Шәһәрдә бигрәк тә он белән маташучылар сирәк. Казанда гына да 400ләп пекарня исәпләнә икән. Күңелең ни тели – баллы эчлеклесеме, туклыклырагымы – чык та ал гына. Үзем камыр ризыгын бик сирәк сатып алам. Үзең пешергәненнән дә тәмлесе юк ул, ни генә дисәң дә. Камыр ризыгы пешерүдән авырсынмыйм да, процессыннан да, нәтиҗәсеннән тәм табам. Шуңа күрә ял көннәрендә өебездә таба исе чыгару инде гадәткә кергән. Кунак көткәндә дә чәйгәме, төп ашкамы камыр ризыгы әзерләргә тырышам. Чөнки минем өчен бу беренче чиратта гаилә җылысын, кунакчыллыкны, милли үзенчәлекне чагылдыру чарасы. Әмма күптән түгел, үзем пешерәсе килмичә, өчпочмаклар алыйм дип, камыр ризыгы сатыла торган кибетләрнең берсенә кердем. Өчпочмак 90 сумнан сатыла. Пәрәмәч, кыстыбый, суган-йомырка, кәбестә һ.б. пирожкилары да шуннан күпкә арзан түгел. Кай арада бу бәяләр шулкадәр өскә үрмәләде икән дип аптырадым. Әле күптән түгел генә 40-50 сумнан булганнары хәтердә. Дүрт кешелек гаиләгә берәр өчпочмак өчен 400 сумга якын чыгарып салырга кирәк икән хәзер, ләбаса. Ир заты һәм үсмер балалар берәр өчпочмакка ризамы соң әле? Юк, әлбәттә. Өстәвенә зурлыкларын да мин сиңа әйтим: ике каптың, бер йоттың. Эчлегендә өч кисәк ит булса, рәхмәт әйтерсең. Авыз тутырып ашамагач та аны... Сатып алынганның сыйфаты да нинди бит, белмәссең. Продуктларын үзең сайлап алып, чисталык-пөхтәлек таләпләрен саклап, үз кулларың белән пешергәнгә җитми дә җитми инде. Сүз уңаеннан, Россиядә пекарнялар саны кими башлаган икән. Адым саен дирлек ачылган камыр ризыклары кибетләре бер-бер артлы ябылуы теркәлгән. 2026 елның мартына мондый сату нокталары саны илдә 7,6 меңгә генә калган. Алдагы ел белән чагыштырганда, кимү 7 процент тәшкил итә. Халык дөрес туклануга күчә башлаганмы шунда, әллә бәяләре тамак ягын бераз тыйнакландырырга мәҗбүр иткәнме. Зур кибетләр челтәрләренең һәркайсында диярлек пешерелә башлаган катлы камырдан слойка-мазарны өстен итәләрме икән әллә? Һәрхәлдә, өйдә камыр ризыгын ешрак пешерә башлаганнар дип уйламыйм. Татарстанда исә камыр ризыкларының кибетләре тотрыклы кала. Әнә безнең янда да бер билгеле пекарня челтәренең тагын бер ноктасы ачылырга тора. Димәк, сорау бар, алалар. Бәяләре дә куркытмый, башкасы да. Әмма, әйткәнемчә, үз кулларың белән пешергән ризыкның тәме дә, кыйммәте дә бөтенләй башка. Күңел җылысы биреп әзерләнгән милли тәм-том, урамга кадәр таралган хуш исләр, бер өстәл артына җыелып, аларны авыз итү мөмкинлеге – боларның берсен дә кибеттән сатып алып булмый шул. Гүзәл Камалова

Ильмира Нәгыймова Марат Яруллин белән мөнәсәбәтләренә нокта куйган... Тулырак: https://shahrikazan.ru/news/shou-biznes/ilmira-nagyimova-marat-iarullin-belan-monasabatlarena-nokta-kuigan