Аналитика каналаMaxШәһри Казан / Шахри Казан

"Шәһри Казан" ятим калды... "Шәһри Казан" газетасы гаиләсе бүген ятим калды. Төнлә, баш мөхәрриребез Радик Рәшит улы Сабиров, кинәт йөрәге туктау сәбәпле, вафат булды. Һәрберебезне барлап, үз итеп, кирәк чакта сүгеп, коллективны бер йодрыкка туплап торган редакторыбыз әле май аенда гына 47 яшен тутырган иде. Һәр бәйрәмдә тост әйткәндә без аңа кешелекле, рәхимле булуы өчен рәхмәт әйтә идек! Бергә үткән хезмәт юлыбыз өчен рәхмәт Сезгә, Радик Рәшит улы! Урыныгыз Җәннәт түрләрендә булсын! Гаиләгезгә, әти-әниегез, балаларыгызга Ходай сабырлык бирсен! "Шәһри Казан" коллективы.

Су колонкаларыннан менә шулай су эчкәнегез булса, ❤️ куегыз)

🩷лайк кирәктер бит? Искиткеч дуэт

Мөхәрриребез Радик Рәшит улы Сабиров белән хушлашу мәрасименнән

Елмай әле. Елмаю килешә сиңа. Без коллективтагы кызларга, күңелсезрәк күренсәк, Радик шулай дип әйтә иде. Елмаеп җибәргәч, әйтәм бит шулай, дия иде. Үзе дә гел елмайды ул. "Шәһри Казан" рейтингларда алдынгы урыннарда булганда, ул инде кояш кебек балкый, ихластан сабый бала кебек сөенә иде. Сайтны үстерергә дип үзен аямыйча көн-төн эшләде. Атнаның җиде көнендә тәүлек буе кулыннан телефоны төшмәде. Социаль челтәрләргә кагылышлы һәр яңалыкны күзәтеп, белеп барды. Шунда ук аларны кулланды да. Булган белеме, тәҗрибәсе белән бүлешә белде. Яңалыкка омтылды, яңа идеяләр дип янды. Социаль челтәрләрдә ачкан төркемнәремнең тиз арада үсеп китүе аның булышлыгы белән. Минем язылучыларым артканга ул үземнән дә артык сөенде. Кеше уңышларына чын күңелдән шатлана белде. Һәр постка лайк куярга өлгерә иде. Әле бит үзенең шәхси төркемнәре бар һәм алар берничә социаль челтәрдә! Кай арада өлгерәсез дип сорагач, тәмәке тарткан арада да пост куям дип елмая иде. Икенче яраткан сүзе "борчылма" булды. Тыныч кына әйтеп куяр иде шул сүзне. Ә үзенең борчылганын ул сиздермәде. Йөрәгенә җыйды. Кычкырмас, тавышын күтәрмәс, кешегә каты бәрелмәс, ул бары тешен кысып дәшми калыр иде. Үзенә максат куеп, сабыр гына эшләде дә эшләде. Безне дә шуңа өндәде. Эшебезнең нәтиҗәсе дә күренде. Татар теле басмалар арасында иң күп укыла торган сайт исемлегендә "Шәһри Казан" иде. Аның артында баш мөхәрриребезнең үзен аямыйча эшләве һәм тынгысыз йөрәге булды. Һәм шул йөрәк түзмәде... Урының җәннәттә булсын, Радик! Тыныч йокла! Дилбәр Гарифуллина

Баш мөхәрриребезнең якты истәлегенә.🤲 Безнең арадан китсә дә, аның фикерләре һәм киңәшләре күңелләрдә сакланачак!

Шаккаткыч дуслар... Искиткеч... Дулкынлануым вә горурлануым чиксез... Рүзәл Минһаҗев блогыннан

Рөстәм Хөсәеновтан яңа җыр: "Балачак". ❤️ куйыйк әле үзенә

Алмаз Мирзаяновтан Әнгам Атнабаев шигыре🙏