Аналитика каналаMaxШәһри Казан / Шахри Казан

Гөлназ Сәфәрова әбисе белән 🙏 Бу җылы фотога күп итеп ❤️ куйыйк әле)

Кеше килә-китә ... Кеше китте диеп , хушлашмагыз , Очрашырбыз әле тегендә . Я тәмугъта , я эләгеп булса , Оҗмахларның җиде күгендә . Кеше килә -китә , бар да гади , Барыбыз да шунда барасы . Җиргә гомерлеккә килгән сыман , Кыланма син адәм баласы . Кеше белмәс диеп ,алданмагыз , Кеше белми , Аллах беләчәк . Өстән генә түгел , һәр гамәлне , Һәрбер уйны эчтән күрәчәк . Җитми диеп , артык тырышмагыз , Җитәчәк бит ике кочак җир . Саранланма , артык булганнарын Мохтаҗларга бүлеп алып бир . Ә башкалар диеп, акланмагыз , Һәркем җирдә үзе җаваплы . Башкаларга күрсәтим дип түгел , Үзең өчен эшлә савапны . Җир гаделсез диеп борчылмагыз , Бар да гадел , һәркем беләчәк . Түрәме син , баймы , хәерчеме , Аллах барысын җиргә күмәчәк . Кем булышыр диеп, теләнмәгез , Дус - танышлар бар да калачак . Иномарка машинада түгел , Анда һәркем җәяү барачак . Мин яшь әле диеп ,шатланмагыз , Бәлки булмас та ул иртәгә . Матур сүзләреңне әйтеп кал син , Балаларга , дуска , иркәңә . Үлем җиткән кебек яшәү кирәк , Рәнҗетмичә җирдә беркемне . Яшәү язсын , ләкин көтмәгәндә Китәчәкбез бердәнбер көнне . Үләсе бар диеп , уфтанмагыз , Шатланыгыз , озатып калсалар . Үлгәчтен дә сине дога укып , Елый - елый искә алсалар . Менә шулай ... Ләйлә Дәүләтова

Сезгә дә ошадымы бу җыр? Кушылып җырлагыз, дуслар

Юлга чыга балам. Алларыннан Җибәр, Ходай, хозыр Ильясны. Синнән генә сорыйм иминлеген, Сорыйм аңа изге юлдашны. Исән-имин әйләнеп кайтуын Ялварам мин Синнән, я Ходам. Кичерә күр кылган гөнаһларны, Кабул булсын кылган бу догам. Сакла, зинһар, бәла-казалардан Ерак сәфәр кылган улымны. Фәрештәләр канаты капласын Догаларым аша баламны. Кайтып керсен өйгә шатлык белән, Ачы кайгыларда яндырма. Һәр нәрсәгә җитә көч-кодрәтең, Ярдәмеңнән, зинһар, калдырма. Физалия Дәүләтгәрәева

Филипп Киркоров образы ничек сезгә? Аеруча аяк киеме шәп🔥 Илгизә Галиуллина видеосы

🌿«Әрем исе, әрем тәме» – Әсхәт абыйның визит карточкасы. Легендар җырның язылу тарихы нинди һәм ул Әсхәт абыйга ничек килеп эләккән? 📌 Әсхәт Хисмәтов – Татарстанның халык артисты. 🎥 Илгиз Шәкүров

Аллаһ исемнәрен әйтеп дога кылабыз. Саклап куегыз. Кызым өчен көндәлек дога 🤲 Бисмилләһир-рахмәнир-рахим. Йә Әр-Рахман, йә Әр-Рахим! Кызымны рәхмәтең белән биләп ал, күңеленә ныклы иман сал, Сине яратып, Сиңа таянып һәм Синнән разый булып яшәргә насыйп ит. Йә Әл-Һади! Аны туры юлдан алып бар. Хәерле карарлар кабул итәргә зирәклек бир, ялгыш юллардан һәм хәерсез кешеләрдән сакла. Йә Әл-Вәдүд, йә Әл-Вәһһәб! Кызыма хәерле никах насыйп ит. Аны яратып, хөрмәт итеп, саклап яшәүче иманлы, күркәм холыклы, җаваплы ир насыйп ит. Араларына мәхәббәт, хөрмәт, тугрылык һәм аңлашу сал. Гаиләләрен ныклы һәм озын гомерле кыл. Йә Әс-Сәлам! Кызымның күңеленә тынычлык, йортына иминлек, тормышына бәхет бир. Йә Әл-Хәфиз! Аны бәла-казалардан, авырулардан, күз тиюдән, яманлыктан һәм күренгән-күренмәгән бөтен зарардан сакла. Тәненә сәламәтлек, җанына тынычлык, гомеренә бәрәкәт бир. Йә Әр-Раззәк, йә Әл-Кәрим! Аңа киң һәм хәләл ризык насыйп ит. Тормышына муллык, хезмәтенә уңыш, тапкан малына бәрәкәт бир. Биргән нигъмәтләреңә шөкер итеп яшәргә насыйп ит. Йә Әл-Вәһһәб! Кызыма сәламәт, иманлы, хәерле нәсел дәвамчылары - балалар насыйп ит. Нәселен дәвамлы, бәрәкәтле кыл. Балаларын ата-анасына шатлык, җәмгыятькә файдалы, Сиңа итагатьле бәндәләрдән ит. Йә Әл-Ләтыйф! Кызымның язмышын хәерле һәм матур кыл. Аңа хәерле ишекләрне ач, хәерсезләрен яп. Ул сорамаган, хәтта уйламаган хәерләрне дә насыйп ит. Йә Аллаһ! Кызымны бу дөньяда да, ахирәттә дә бәхетле кыл. Аның иманын, сәламәтлеген, гаиләсен, балаларын, ризыгын һәм күңел тынычлыгын Үз саклавыңда тот. Минем аның өчен әйткән һәм күңелемдә әйтелми калган барлык хәерле теләкләремне кабул ит. Әмин, йә Раббил-галәмин. 🤲 Алсу Исмәгыйлева блогыннан

🎥 Зөлфия Вәлиева

Мәшәкатьле, әмма куанычлы вакыт җитә. Иң мөһиме, барыбыз да исән-имин булыйк.

КЕМ НӘРСӘ ТЕЛИ, ШУНЫ ИШЕТӘ Бер шау-шулы шәһәрдә ике кеше очрашкан. Машиналар тыз-быз йөри, урамда музыкантлар җыр суза, бик көчле тавыш икән. Кинәт боларның берсе: — Берәүнең дога укыганын ишетәм, — ди. — Кит инде. Мондый көчле тавыш булганда, ничек ишетелсен? Ялгышасыңдыр, — дип җавап бирә аңа танышы. Янәшәдәге йортка күз салсалар, ачык тәрәзәдән бер ир-атның намаз укуын күрәләр. — Колакларың гадәти түгелдер. Шундый шау-шу арасыннан дога тавышын ничек ишеттең? — дип гаҗәпләнә иптәше. — Юк, колакларым башкаларныкы кебек үк. Кем нәрсә тели, шуны ишетә, — дип җавап бирә танышы. Шуннан соң кесәсеннән берничә алтын акча чыгарып, юлга ыргыта. Акча чылтыраган тавышны ишетеп, иптәше тизрәк кесәләрен капшый башлый. Үз акчасы төшмәдеме дип борчыла. Моны күреп, танышы: — Әйтәм бит, кем нәрсә тели, шуны ишетә. Шундый шау-шу арасыннан акча тавышын ишеттең бит, — ди. ☘Һәр нәрсәнең дә уңай һәм тискәре ягы була. Тик кешеләр кайсын күрергә тели, шунысына игътибар бирә. Бу тәрбиягә, динне аңлау дәрәҗәсенә, әхлакка да бәйле. Әйтик, яңгыр яуганда берәү кәефем төште дип зарлана, икенчеләр, җир суга туена, дип сөенә. Аллаһ афәтләр бирмәсен, сәламәтлектән аермасын, дип сабырлык күрсәтик. Кайгыларга сабыр була белик. Аннан зуррагын кичерергә язмасын. Кечкенә шатлыкларга да сөеник.🤲 Алсу Исмәгыйлева-Әхмәтзакирова сәхифәсеннән