Аналитика каналаMaxШәһри Казан / Шахри Казан

Нарат күркәсе кайнатмасы. Май-июнь айларында нарат күркәләрен җыяр өчен менә дигән вакыт. Ул күркәләрдән халык медицинасында киң кулланыла торган кайнатма, ягъни бал ясыйлар. Нарат күркәләреннән ясалган балны иммунитетны ныгыту өчен файдаланалар. Ул шулай ук антиоксидант буларак та кулланыла. Күркәдәге матдәләр күзәнәкләрне “үлүдән” саклый. Ул ашкайнату, йөрәк-кан тамырлары системасы авыруларына дәва, матдәләр алмашын яхшырта, арыганлыкны бетерә. Нарат күркәсеннән кайнатма ясау өчен яшь күркәләр (яшелләрне) генә бара. Аларның озынлыгы 4 см артмаска тиеш. Күркәнең ачылмаганын, йомшагын, кулга ябыша торганын гына җыярга. Кайнатма ясау өчен 1 кг күркә, 1 кг шикәр комы, 500 мл су кирәк. Күркәләрне яхшылап юып, “койрыкларын” чистарткач, савытка тутырып, өстенә шикәр комы салырга. Шуңа су өстәп, шикәр комы эреп беткәнче кайнатырга. Шуннан соң утны киметеп, тагын 15 минут кайнатасы. Уттан алгач кайнатманы 10 сәгать тотарга. Тиешле вакыт узганнан соң кабат утка куеп, 1-1,5 сәг кайнатырга. Нарат күркәсе кайнатмасын кайнар килеш банкаларга тутырырга һәм бер тәүлеккә җылы әйбер белән каплап куярга. Банкаларны өстен аска әйләндерергә кирәкми. Кайнатманы караңгы һәм салкынча урында сакларга.

"Казан" гаилә үзәге янында VK Fest 2026 фестивале гөрли. Биредә хәтта сабантуй зонысы да бар🔥

Азат Габдрәшитов: “Кем көчлерәк, шул җиңде” Бу көннәрдә республика район-авылларында Сабантуйлары гөрли. Кайбыч районында быел Азат Гәбдрәшитов батыр калган. Аның белән хәбәргә чыгып, җәһәт әңгәмә кордык. - Котлыйм, Азат! “Актанышта көрәшәм”, - дип әйткән идең, Кайбычка ничек килеп чыктың? - Кайбычка чакырдылар, шуңа анда барырга булдым. Кайбычта Сабантуе башкача уза икән. Башта бөтен халык ат чабышын карый, аннан җыелып көрәш мәйданына китәләр. Кайбыч Сабантуена беренче тапкыр килүем. Ошаттым, урыны да уңайлы. Бөтен мәйдан көрәшне дә, уеннарны да күреп торды. - Көчле көрәшчеләр бар идеме? - Көндәшләрне көчсез дип атап булмый инде. Кайбыч көрәшчеләре бар иде, чакырылган кунаклар да булды. Барысын җиңеп чыктым. - Сабантуйда кайвакыт районнар үзенең көрәшчесен батыр итеп калдырырга тырыша. Сизеләме ул? - Булгалый инде, әйе. Күпчелек җирдә шулай. Чиста көрәш булган районнар да бар. Кайбычта менә шулай булды. Кем көчлерәк, шул җиңде. - Абсолют батырга нинди бүләк соң? Бүләкне нишләтәсез? - Тәкә белән мини-трактор. Тракторны сатармын инде. Авылда эшләргә барысы да бар, болай да. Бакчаны да бераз кыскарттык. Илгизә Галиуллина

Колмактан пешерелгән ипи: Нәбирә Гыйматдиновадан рецепт. Башка төбәкләрдә ничектер, безнең Карасу авылында (Аксубай районы) чүпрә кулланмыйлар иде. Бүген әлбәттә дөньялар үзгәрде, ялкаулык та басты. Хатын-кыз камыр ризыгы пешергәндә нинди генә чүпрә салмый. Алар бер “могҗиза” инде: суда болгату белән күз алдында ук кабара башлый. Нәтиҗәдә организм күпме зарарлы химия белән агулана. Ә безнең әбиләр кибет-базарлардагы чүпрәне бик өнәп бетерми, табигать бүләге – колмактан агач кисмәкләрдә ачыткыч ясап куя да, шуның белән телеңне йотарлык ипи пешерә иде. Колмак ипиенең берничә төрле кулланмасы бар. Һәр хуҗабикә аны үзенчә әзерли. Минеке гади генә. Бер стакан чамасы киптерелгән колмакка ике йөз илле грамм су салам да, утка куям. Кайнап чыккач шунда ук сүндерәм. Җылымса колмак суына ике кашык арыш оны, бер аш кашыгы шикәр комы болгап ике көн әчетәм. Аннары колмакны сөзәм һәм сөзелгән әчеткечкә он кушып сыек кына “баш” ясыйм. “Баш” коймак камыры кебек була. Ун-унике сәгатьтән ул әчи. Шуннан соң аңа кирәк кадәр җылы су, тоз, үсемлек мае салып, камыр басам. Җылы урында ул биш-алты сәгать эчендә өлгереп җитә. Соңгы стадия: камырны җиңелчә генә онда әвәләп, майлаган табага салам да, мичкә тыгам. Пешкән икмәкнең исе – һәр чәчкәдән хуш исле. Ашларыгыз тәмле булсын!

"Ак Барс" оттырды...

Чемоданнарыгызны җыеп, җәйге ялга җыендыгызмы инде? Үзегез белән кечкенә генә «ашыгыч ярдәм» алырга да онытмагыз. Бигрәк тә сәяхәткә балалар белән җыенсагыз. Ялга җыенганда алырга кирәкле дарулар исемлеген тәкъдим итәбез. Тулырак: https://shahrikazan.ru/news/kinas-sandygy/ialga-barganda-nindi-darular-alyrga

Пирожки камыры: 1⃣ 250 мл су яисә сөт (яки 50/50) 2⃣ 2 аш калагы песок 3⃣ 1 чәй калагы тоз 4⃣ 20 гр чи чүпрә 5⃣ 40 гр сыек май 6⃣ 2-3 аш калагы сыер мае 7⃣ Чамалап он (камырны артык тыгыз итмәгез) Эчлек: суган кыягы + йомырка + тоз. Миләүшә Фәрхетдинова блогыннан

Җәйнең матурлыгы чәчкәдә! Казанның ямьле урамнары. Бераз сокланып йөрисезме соң?)

Мөхәрриребез Радик Рәшит улы Сабиров белән хушлашу мәрасименнән