Max«Башҡортостан» гәзите / Газета «Башкортостан»

✨ Президент аныҡ һәм ҡәтғи яуаптар бирҙе 29 майҙа Ҡаҙағстанға эш сәфәре йомғаҡтары буйынса Владимир Путин журналистар менән осрашты һәм киң мәғлүмәт саралары вәкилдәренең һорауҙарына яуап бирҙе. Һеҙҙең иғтибарға осрашыуҙың иң мөһим мәлдәренән цитаталар тәҡдим итәбеҙ. * Президент  МХО-ның еңеүле тамамланыуы тураһында: “һуғыш яланындағы хәл-торош шуны күрһәтә: Рәсәй тиҙҙән конфликттың тамамланасағы тураһында һүҙ алып бара ала”. * Путин Балтика буйы илдәренең Калининград өлкәһенә һөжүм итеү менән янауына яуап итеп, былай тине: “Кем беҙҙе ер менән тигеҙләү хаҡында янай, уларҙың үҙҙәрен шулайтыу өсөн Рәсәй Федерацияһының бөтә саралары бар”. * Президент Украина ҡораллы көстәренең Латвия территорияһынан һөжүм итеү ихтималлығы тураһында: “Хәүеф менән янаған бөтә урындар – айырып әйтәм, Рәсәйгә тура һуғыш хәүефе менән янаған урындар – законлы рәүештә сәп булып тора”. * Президент Көнбайыш сәйәсмәндәрҙең Рәсәйҙең йәнәһе агрессив пландары тураһындағы белдереүҙәренә аңлатма бирҙе: “Был – яман, оятһыҙ алдаҡ. Үҙ мәлендә Геббельс әйткәнсә, ялған ни тиклем нығыраҡ шаштырылған булһа, уға шул тиклем тиҙерәк ышаналар”. * Путин Евросоюздың Украина пилотһыҙ осоу аппараттарының осоп төшөүе тураһындағы белдереүенә ҡарата: “Беренсе реакция тап Румыниялағы кеүек булды: “Ҡарауыл! Рустар килә, рустар һөжүм итә”. Бер аҙ ваҡыттан һуң был дрондарҙың Украинаныҡы булыуы, Рәсәйҙең осоу аппараттарына бер нисек тә бәйләнмәүен асыҡланды”. * Президент Рәсәйҙәге фитосанитар нормалар тураһында: “Мәҫәлән, беҙҙә генетик үҙгәреш кисергән продукттар буйынса сикләүҙәр бар. Кешеләр генетик йәһәттән үҙгәртелгән аҙыҡ-түлекте ашарға теләмәй. Һәм беҙ ошоно иҫәпкә алырға тейешбеҙ. Әлегә был ризыҡтарҙы ашауҙың кешегә тәьҫире буйынса ныҡлы тикшеренеүҙәр юҡ”. Фото: www.kremlin.ru

🙏 Нурзиләнең хәле нисек? Халыҡ-ара балаларҙы яҡлау көнө алдынан “Салауат” компанияһы хеҙмәткәрҙәре Әбйәлил районының  Дәүләт ауылында йәшәгән Нурзилә Исламғолованың хәлен белеште. Ул уҡыуҙағы уңыштары һәм ҡаҙаныштары хаҡында компания директоры Таһир Бәхтигәрәев менән осрашыу ваҡытында уртаҡлашты. 2024 йылда янғын ваҡытында һеңлеләрен ҡотҡарған саҡта ҡыҙҙың тәненең яртыһынан ашыуы ныҡ бешкән. Күп һанлы операцияларҙан һуң ҡатмарлыҡтар уны аяҡҡа баҫыу мөмкинлегенән мәхрүм итте. Нурзиләгә бик етди реабилитация талап ителде Рус баҡыр компанияһының Хәйриә фонды һәм “Салауат” компанияһы ярҙамы менән ҡыҙыҡай “Доктор Волкова” клиникаһында (Екатеринбург ҡалаһы) оҙайлы аяҡҡа баҫтырыу, йәғни реабилитациялау процедуралары курсын үткән. Табиптарҙың профессиональ тәрбиәләүе уға аяҡҡа баҫырға һәм йәнә атларға өйрәнергә мөмкинлек бирҙе. Таһир Тимербай улы әсәһе Гөлсибәр Исламғолова менән ҡыҙҙың һаулығын нығытыу процесын тикшерҙе. Ул шулай уҡ артабан уның хәлен яҡшыртыу өсөн ниндәй өҫтәмә ярҙам талап ителеүе мөмкин икәнен билдәләне. Сәфәр аҙағында компания вәкилдәре Исламғоловтар ғаиләһенең балаларына бүләктәр тапшырҙы, иң изге теләктәрен еткерҙе. Фото һәм сығанаҡ: “Салаватское” төркөмөнән

✨Университет берҙән-бер үҙәк тип танылды «Пилотһыҙ авиация системалары өсөн кадрҙар» федераль проектын тормошҡа ашырыу барышында заманса белем биреү йүнәлештәрен тормошҡа ашырыуҙа ҡатнашыу өсөн пилотһыҙ авиация системалары өлкәһендә төбәк-ара кадрҙар әҙерләү үҙәктәрен асыҡ һайлап алыуға йомғаҡ яһалды. Тулыһынса: https://bashgazet.ru/articles/i-tisad/2026-05-07/universitet-ber-n-ber-k-tip-tanyldy-4678286

Бер фәҡир кеше Аллаһтан һораған: - Мин ниңә шундай хәйерсе? Аллаһ: -Башҡаларға бирергә өйрәнмәгәнһең,- тигән. Хәйҽрсе: -Үҙемдә булмағанды башҡаларға нисек бирәйҽм? Минең бер нәмәм дә юҡ бит,- тигән ул. Аллаһ әйткән: - Яңылышаһың. Һинең бер нисә ҡиммәтле әйберең бар: йылмайыу бүләк итҽрҙәй йөҙөң, матур һүҙ һөйләй алырҙай телең. Йөрәгеңдә башҡаларға ла урын таба алыр инең. Әйләнә-тирәләгеләргә яғымлы итеп ҡарай алырлыҡ күҙҙәрең, кешегә изге ғәмәл ҡыла алырлыҡ ҡул-аяҡтарың бар. Ысынында бер кеше лә хәйерсе түгел: йыш ҡына аҙҙан да күңел була. Йылмайып ҡараған кеше янында күңел тыныслана. Юҡҡа ғына, йылмайыу-саҙаҡа тимәгәндәр. Мәғәнәле һүҙ, хәйерле һөйләм дә йән аҙығы. Ҡайһы берәүҙәрҙең ауыҙына ғына ҡарап торғо килә. Аҡыллы кешенең кәңәштәре - алтындан да ҡәҙерле байлыҡ. Байлыҡ - бер айлыҡ, ти халыҡ. Аҡса, мөлкәт бөгөн бар - иртәгә юҡ. Иң мөһиме, рухи хәйерселектән Аллаһ һаҡлаһын. Күңелдә бушлыҡ булмаһын. Кешеләргә ҡарата игелекле, мәрхәмәтле булып йәшәргә яҙһын🤲 Ә.Имамова фотоһы.

☀️ Хәйерле иртә! ☘️ Ялдарығыҙ матур һәм файҙалы үтһен, юлдарығыҙ имен булһын! 🏞️ Үҙебеҙҙең Башҡортостанда ял итегеҙ. ✅ Беҙҙең МАХ каналына ҡушылығыҙ: https://max.ru/gazetabashkortostan. Рәмилә Мусина видеояҙмаһы.

📚 "Китап-Байрам"ға Ирандан килеүсе Хөсәйен үҙҙәренең һатыу-күргәҙмәһендә бик алсаҡ ҡаршыланы. 📚 Уға Башҡортостанда бик оҡшай һәм бында кешеләрҙең дә ихлас булыуын әйтеп үтте. 📚 Әйткәндәй, уҙған йылда килтергән "Шайтан яҙмалары" китабының бер өлөшөн беҙҙең "Әс-сәләм" гәзитендә башҡортсаһын баҫтырғандар. Уныһына бер ҡыуанһа, "Америка тарихы" исемле, төртмәле һәм каррикатуралы китап баҫтырып алып килеүҙәрен мәртәбәгә һанай үҙе. 📚 Ҡыҫҡаһы, "Китап-Байрам"ға килһәгеҙ, иранлыларҙың һатыу нөктәһен урап үтмәгеҙ, унда хаҡтар ҙа осһоҙ һымаҡ күренде, китаптары ла башлыса дини тәрбиә һәм тормош һабаҡтарына ҡағылышлы. #БашҡортостанГәзите #КитапБайрам #ХалыҡАраКитапЙәрминкәһе 📽️: Таңсулпан Рәсүл

📚 Китап байрамына Мурманск ҡалаһынан килгән Ольга Вакушева ниндәй китаптар килтереүҙәрен һәм беҙҙән алған тәьҫораттары менән уртаҡлашты. 📖 Иҫегеҙгә төшөрәбеҙ, китап йәрминкәһе иртәгә тағы ла бер көн була әле. 🚀 Республикабыҙ Башлығының инициативаһы менән баш алған был байрамда һеҙ күңелегеҙгә оҡшаған бик күп китап һәм шөғөлдәр табырһығыҙ, рәхим итегеҙ! #БашҡортостанГәзите #КитапБайрам #ХалыҡАраКитапЙәрминкәһе 📽️: Таңсулпан Рәсүл

💥💥💥 Һабантуйҙар графигы менән танышығыҙ Май аҙағында һәм йәй дауамында республика ҡала һәм райондарында Һабантуйҙар үтәсәк. Ҡунаҡтарҙы концерттар, ижади коллективтарҙың сығыштары, милли аш-һыу, һөнәрселәр йәрминкәләре һәм традицион спорт ярыштары көтә. ✅Башҡортостанда һабантуйҙар үткәреү графигы: 30 майҙа – Ғафури, Йылайыр, Ҡалтасы һәм Күгәрсен райондарында; 6 июндә төп тантаналар бер юлы 20 урында – Әлшәй, Архангел, Асҡын, Ауырғазы, Баҡалы, Бишбүләк, Бүздәк, Бөрйән, Йәрмәкәй, Ейәнсура, Ҡырмыҫҡалы, Кушнаренко, Мәләүез, Миәкә, Өфө, Учалы, Хәйбулла, Саҡмағош, Шишмә һәм Яңауыл райондарында; 12 июнь – Баймаҡ, Балтас, Балаҡатай, Благовар, Благовещен, Борай, Дәүләкән, Дыуан, Иглин, Илеш, Ишембай, Ҡыйғы, Краснокама, Мишкә, Нуриман, Салауат, Стәрлебаш, Тәтешле, Туймазы, Федоровка һәм Шаран райондары; 13 июнь – Бөрө, Ҡариҙел, Мәсетле һәм Стәрлетамаҡ райондары; 20 июндә – Бәләбәй һәм Көйөргәҙе райондарында; 27 июнь - Әбйәлил районында; 4 июль – Дүртөйлө районында; 18 июлдә – Белорет районында. Айрат Нурмөхәмәтов фотоһы.