Аналитика каналаMax«Башҡортостан» гәзите / Газета «Башкортостан»

☀ Хәйерле иртә! Йома мөбәрәк булһын. Көнөгөҙ уңышлы булһын. ✅"Сайҡалалар кәмәләр". Ҡытай егете йырлай.

🔥 Салауаттың улы Леонардо булмай инде ☝Өләсәй менән ейән һөйләшеүе. Тыныс ҡына, матур итеп аңлата. Тыңлағыҙ, йәштәр! ❗️Һәм, өләсәйҙәр, ейәндәр менән вата-емерә башҡа телдә һөйләшкәнсе, ошолай үҙебеҙсә тәрбиә бирәйек. ✅Видео: Салауат Зәйнетдиновтан. ✅Беҙҙең МАХ каналына https://max.ru/gazetabashkortostan ҡушылығыҙ!

💥 Тома һуҡыр өләсәй 100 пар йөн ойоҡ бәйләгән 👍 Рамаҙандың өләсәһе һигеҙ бала тәрбиәләп үҫтергән. Әле малай менән икәүләп иҫ киткес ҙур эш башҡарған улар. 👉 Тулыраҡ: https://bashgazet.ru/articles/y-m-i-t/2026-10-11/toma-u-yr-l-s-y-100-par-oyo-bash-b-yl-g-n-4841862

🙏 Ҡайҙа барырға белмәгән бабайҙы үҙенә алып ҡайта Беренсе төркөм инвалиды булған ҡарт түшәктә ята, уны үҙ яҡынындай ҡәҙерләп баға, тәрбиәләй. Ҡайһы берҙәр бер туғандарынан йөҙ борғаны тураһында ла ишеткәнебеҙ бар, ә бында бер ниндәй дәғүәләр белдермәй, тыныс ҡына, шулай булырға тейеш кеүек ҡабул итә оло йөрәкле, сабыр һәм түҙемле ханым.  Ер йөҙөндәге иң үҫешкән илдәрендә ҡарттар һәм балалар йорто юҡ, тигән һүҙҙе йыш ишетергә күнекһәк тә, ҡыҙғанысҡа ҡаршы, беҙҙең ил был тәңгәлдә маҡтана алмай. Киреһенсә, һәр төбәктә был йорттарҙың ябылыуы йәки икенсе урынға күсеүе күптәр өсөн ҙур проблемаға әйләнде. Баймаҡ районының Мәмбәт ауылында йәшәгән Миңлегөл Ғүмәрова үҙ теләге менән ҡасандыр ҡарттар йортонда йәшәп, аҙаҡ ябылғас, ҡайҙа барырға белмәгән Виктор бабайҙы үҙ ҡарауына ала.  📝 Тулыһынса :https://bashgazet.ru/articles/y-m-i-t/2026-10-16/ay-a-baryr-a-belm-g-n-babay-y-en-alyp-ayta-4847005

💥 Ирек ағай икенсегә картуф үҫтереп алды! 30 августа видеояҙма баҫтырғайныҡ (1-се видео), һөҙөмтәһен көтөп ҡалабыҙ, тигәйнегеҙ. Бөгөн - видеоотчет (2-се видео). 🔷 Салауат районының Мәсетле ауылынан Ирек Мофаззалов йәй һуңында яҙ сәскән картуфтың насар уңыш биреүенә зарланғайны. Һәм һуғанды йыйып алғас, 7-9 августарҙа уның урынына тәжрибә рәүешендә электән ҡалған картуф орлоғон сәсеүен хәбәр итте. 27 августа видео төшөрөп, өс рәт картуфтың бик матур булып үҫеп ултырыуын, бер генә колорадо ҡуңыҙының да булмауын күрһәтте. Ҡырауҙар һәләк итмәһә, октябрь башына икенсегә уңыш йыйып аласағын белдерҙе ул. 🔶 Әле хужа тағы видеоотчет һалған. Картуф үҫкән, уңыш биргән! 11 октябрҙә ҡаҙып алғандар. Ярты биҙрә картуф ултыртып, биҙрә ярым уңыш сыҡҡан. Тимәк, өс тапҡырға күберәк!))  🔷 "Был ярты биҙрә картуф орлоғон ташларға тип уйлағайным. Бына ниндәй матур уңыш бирҙе", - ти хужа.

☀ Хәйерле иртә! Йоҡлайһығыҙмы әле? Ә-ә, йоҡлағыҙ әйҙә, йоҡлағыҙ. Ял бит ❤️

❤️"Был ике ҡатын миңә тормош бүләк итте" Рөстәм уларға рәхмәт әйтеп өлгөргөм килә ти. Ул быны нисек эшләй? ✅Уҡығыҙ: https://bashgazet.ru/articles/y-m-i-t/2026-10-13/byl-ike-atyn-mi-tormosh-b-l-k-itte-4842210 "Башҡортостан" гәзитенең рәсми каналы: https://max.ru/gazetabashkortostan

✨ Бөгөн — Ҡурай көнө 👏 Башҡорт халыҡ традициялары һәм мәҙәниәте менән тығыҙ бәйләнгән музыка ҡоралы 2021 йылда Башҡортостан Республикаһының территориаль бренды булараҡ рәсми теркәлгәйне. 🛑 2024 йылдың апрелендә, Башҡортостан Республикаһы Башлығы Радий Хәбировтың Указына ярашлы, Дәүләт ҡурайсылар ансамбле ойошторолдо. Ансамблдең художество етәксеһе итеп Рәсәйҙең атҡаҙанған артисы, Башҡортостандың халыҡ артисы Азат Айытҡолов тәғәйенләнде. 🏛 Яңы коллектив үҙенең тәүге концертын шул уҡ йылдың 10 октябрендә Өфөләге «Башҡортостан» дәүләт концерт залында үткәрҙе. Сара барышында Радий Хәбиров 10 октябрҙә яңы байрам — Ҡурай көнө билдәләнәсәге тураһында иғлан итте. ❤️ Йәшәһен ҡурайыбыҙ! Байрам менән, дуҫтар, туғандар!

💥 Был паркты танымаҫһың да! 🌲🌳 Кисә Өфөлә яңыртылған Ленин исемендәге парк асылды. Тантанала Башҡортостан Башлығы Радий Хәбиров һәм Сбер етәксеһе Герман Греф ҡатнашты. 👏 Бына парк хәҙер ниндәй - килеп күрегеҙ. Оҡшаһа, йөрәктәр ❤️ ҡуябыҙ!