Аналитика каналаMax«Башҡортостан» гәзите / Газета «Башкортостан»

🏔⚡️Рөстәм Нәбиев - Эверест (8848 метр) түбәһендә! "20 майҙа, Непал ваҡыты буйынса иртәнге 8 сәғәт 16 минутта, альпинизм тарихында тәүге тапҡыр мин, Рөстәм Нәбиев, Эверест түбәһенә ҡулдарымда ғына менеп еттем! Мин был артылыуҙы әле мине күҙәткән һәр кемгә бағышлайым. Был ҡылыҡ менән бер генә нимә әйтергә теләйем: әле йәшәйһегеҙ икән, көрәшегеҙ! Ахырғаса тиклем көрәшегеҙ, зинһар!" - тип яҙған Нәбиев, Эверест түбәһендә плакат тотоп төшкән фотоһын беркетеп. ✅Фото: Р. Нәбиев.

🧗 Эверест: Рөстәм Нәбиевкә түбәгә тиклем 448 метр ҡалды Яҡташыбыҙ Рөстәм Нәбиев донъяның иң бейек түбәһе Эвересты (8848 метр) яулай. 💥 Бөгөн иртән ул 4-се лагерға менеп етте. Кискә ҡарай иһә - "балкон"ға. Тауҙың ситендәге ошо урындан ярты сәғәттән - Непал ваҡыты менән 23-00-дә - ул түбәгә артыла башлаясаҡ. Ҡалған 448 метр бейеклекте иртәгә иртән менеп етергә тейеш. 📍Әлбиттә, альпинистар сираты ҙур булмаһа. Быйыл планетанан 500-гә яҡын кеше Эвересты яуларға йыйына. Ике аҙнанан был маршрут ябыла, сөнки һауа торошо май аҙағынаса ғына бындай мөмкинлек бирә. 🙏 Рөстәмгә уңыштар теләйек!

🌄 Эверест: Рөстәм Нәбиев хәл иткес артылышҡа әҙерләнә Кисә кис яҡташыбыҙ ингән төркөм имен-аман 3-сө лагерҙан 4-сегә (7900 метр) барып етте. 2-сенән 3-сөгә менеүгә 4,5 сәғәт ваҡыт китһә, был юлы юлға 14 сәғәт сарыф ителгән. 📍Төндә ял иткәс, бөгөн иртән Рөстәм 4-се лагерь менән түбә араһында ятҡан "балкон" тип аталған урынға (8400 метр) йүнәлде. 🔥 Төнөн иһә Эверест түбәһен (8848 метр) штурмлай башлайҙар. ❗️Видеонан күренеүенсә, ел булһа ла, көн ҡояшлы. Иң мөһиме - буран сыҡмаһын. Эвереста апрель-майҙа ғына һауа торошо тауға менергә мөмкинлек бирә. ⚡️Иртәгә ҡыуаныслы хәбәр ишетергә яҙһын 🙏🏼 ✅Видео: Р. Нәбиев.

💥Бейә ярҙам һорап килә Иглин районында ат машинала китеп барған кешеләргә ҡаршы килеп, уларҙың иғтибарын йәлеп итергә тырыша. Асыҡланыуынса, юҡҡа түгел. 🆘 Баҡтиһәң, был бейәнең ҡолоно ҡайын олондары араһында ҡыҫылып ҡала һәм ысҡына алмай. 👏 Фермер Сәғитйән Иҙиәтуллин малҡайға ярҙам итә. Ҡотолған ҡолон инәһе менән уйнаҡлап сабып китә. ✅Сәғитйән Иҙиәтуллин видеоһы.

🏔Эверест: Рөстәм Нәбиев Өфөгә ҡайтты Непалда урынлашҡан донъяның иң бейек түбәһенә артылған яҡташыбыҙ Рөстәм Нәбиев Өфөгә ҡайтты. 👏 Аэропортта уны ғаиләһе, яҡындары, яҡташтары ҡаршы алды. ❗️Нәбиев Эвересҡа (8848 метр) ҡулдарында менгән Ер йөҙөндәге иң беренсе кеше булды. ✅ Сығанаҡ: Честный репортаж.

💥 Видео: Рөстәм Нәбиев - Эверест түбәһендә 📹 Яҡташыбыҙҙың донъяның иң бейек түбәһенә менеү хәбәре һәм унда төшкән фотоһүрәте артынса видеояҙмаһы ла килеп етте. Ул был турала хис-тойғоло итеп хәбәр яҙған. Унда беҙҙең һәр беребеҙгә өндәшкән, уҡығыҙ: https://bashgazet.ru/articles/y-m-i-t/2026-05-21/r-st-m-n-biev-everest-8848-metr-t-b-end-4695199 ✅Видео: Р. Нәбиев архивынан.

💐 Журналист, продюсер, алып барыусы, етәксе, тынғыһыҙ ижадсы Рита Ришат ҡыҙы Өмөтбаева "Рәсәй Федерацияһының атҡаҙанған мәҙәниәт хеҙмәткәре" тигән юғары исемгә лайыҡ булды! Рита Ришат ҡыҙының күп йыллыҡ фиҙакәр хеҙмәте, башҡорт халҡының сәнғәтен үҫтереүгә индергән өлөшө ҙур хөрмәткә лайыҡ.

Бер фәҡир кеше Аллаһтан һораған: - Мин ниңә шундай хәйерсе? Аллаһ: -Башҡаларға бирергә өйрәнмәгәнһең,- тигән. Хәйҽрсе: -Үҙемдә булмағанды башҡаларға нисек бирәйҽм? Минең бер нәмәм дә юҡ бит,- тигән ул. Аллаһ әйткән: - Яңылышаһың. Һинең бер нисә ҡиммәтле әйберең бар: йылмайыу бүләк итҽрҙәй йөҙөң, матур һүҙ һөйләй алырҙай телең. Йөрәгеңдә башҡаларға ла урын таба алыр инең. Әйләнә-тирәләгеләргә яғымлы итеп ҡарай алырлыҡ күҙҙәрең, кешегә изге ғәмәл ҡыла алырлыҡ ҡул-аяҡтарың бар. Ысынында бер кеше лә хәйерсе түгел: йыш ҡына аҙҙан да күңел була. Йылмайып ҡараған кеше янында күңел тыныслана. Юҡҡа ғына, йылмайыу-саҙаҡа тимәгәндәр. Мәғәнәле һүҙ, хәйерле һөйләм дә йән аҙығы. Ҡайһы берәүҙәрҙең ауыҙына ғына ҡарап торғо килә. Аҡыллы кешенең кәңәштәре - алтындан да ҡәҙерле байлыҡ. Байлыҡ - бер айлыҡ, ти халыҡ. Аҡса, мөлкәт бөгөн бар - иртәгә юҡ. Иң мөһиме, рухи хәйерселектән Аллаһ һаҡлаһын. Күңелдә бушлыҡ булмаһын. Кешеләргә ҡарата игелекле, мәрхәмәтле булып йәшәргә яҙһын🤲 Ә.Имамова фотоһы.

🏔 Эверест: Рөстәм Нәбиев рәхмәт әйтә Яҡташыбыҙ Рөстәм Нәбиев донъяның иң бейек түбәһенә ҡулдары ярҙамында ғына менгән беренсе кеше булды. 🤝 Әле ул был еңеүе өсөн тапшырылған миҙалын күрһәтте. Шулай уҡ уға ышанған һәм көткән ғаиләһенә рәхмәт белдерҙе.

Яңы көнөгөҙ яҡшы кәйефтә үтһен! 🤩