Аналитика каналаMax«Башҡортостан» гәзите / Газета «Башкортостан»

✨Ләйсән Үтәшева өләсәһенә ҡайтҡан Билдәле яҡташыбыҙ Өфөләге сарала ҡатнашҡандан һуң Әлшәй районының Раевка ауылында йәшәгән өләсәһенә ҡунаҡҡа ҡайтҡан. 🍲 Уны ул яратҡан туҡмаслы аш, йылҡы ите, йәшел һуған, ҡымыҙ менән ҡаршы алғандар. ❤️ Мәскәүҙә йәшәгән Ләйсән йыш ҡына ялында ауылға туғандарына ҡайтып тора. ✅Сығанаҡ: Л. Үтәшеваның соцселтәре.

🔥Кисә Баймаҡ районының Икенсе Этҡол ауылы янындағы Хәмит утарында "Урал батыр"эпосына арналған конкурс үтте. ✨Айым Әлмөхәмәтова сығыш яһай. Гүзәл Салихова видеоһы.

Атайыма Атай, ҡыҙым һағынмаған, тимә, Инселәмәм һиңә ҡалын хаттар. Ҡош артынан сәләм килмәһә лә, Бер-беребеҙгә түгелбеҙ ҙә яттар. Әсәм күҙе менән донъя байҡап, Ғаләмдәрҙе айҡап инһәм ҡайтып, Атай, ҡыҙың һағынмаған тимә, Осоп киләм һиңә йәнем тартып. Атай, ҡыҙым һағынмаған, тимә, Ҡосағыңа атылыр юҡ ғәҙәтем. Зарланырға минең юҡ ғәҙәтем, Алдарыңа теҙеп һалалмамын Фани донъяларҙың сәғәҙәтен. Артыҡ һүҙҙәр һөйләп албырғатмам, Артыҡ талаптарым булмаҫ һиңә. Һин көткәндә ҡайтып инәлмәһәм, Ҡалай ҡыҙым һағынмаған, тимә. Гөлназ Ҡотоева.

💃 🐎 Бөгөн Белорет районында "Урал батыр" эпосына арналған ҙур мәҙәни сара үтте. Унда Өфөнән "Ай Йола" төркөмө, Зәйнетдин, BABY TI", Башҡортостандың Дәүләт ҡурайсыларҙың ансамбле, Салауат Әйүпов, Зилә Лира, Флорида Иркина-Хамзина кеүек билдәле артистар, шулай уҡ урындағы һәүәҫкәр төркөмдәр, йырсылар, уҡыусылар сығыш яһаны. Рәмилә Мусина видеояҙмаһы.

Александр Сергеевичтың тыуған көнө. Был билдәле шиғырҙы кем генә тәржемә ҡылмаған да, кем генә ниндәй генә телгә ауҙармағандыр! Мин дә йөрьәт иттем. Александр Пушкин * * * Я вас любил. Любовь еще, быть может, В душе моей угасла не совсем. Но пусть она вас больше не тревожит: Я не хочу печалить вас ничем. Я вас любил безмолвно, безнадежно, То робостью, то ревностью томим. Я вас любил так искренно, так нежно, Как дай вам Бог любимой быть другим. *** Яраттым мин Һеҙҙе. Мөхәббәтем Әле һүнмәгәндер йөрәктә. Тик юҡ миндә Һеҙҙе борсоу уйы, Һағышландырырға теләк тә. Яраттым мин өнһөҙ, бер өмөтһөҙ, Көнләшеп, йә ҡыймай бағырға. Яраттым мин. Шундай ихлас һөйөү Насип булһын Һеҙгә тағы ла. Башҡортсаға Тамара Искәндәриә тәржемәһе.

⚡️Нефтекамала һигеҙ йәшлек ҡыҙ юғалған 🤔 7 июндә кисен Инесса магазинға китә, әммә өйөнә әйләнеп ҡайтмай. Уның өҫтөндә зәңгәр джинсы, аҡ лосина һәм кроссовка була. ❗️ Әгәр баланың ҡайҙа булыуы мөмкинлеген белһәгеҙ, 102-гә шылтыратығыҙ. Фото сығанағы: Башкирия Online.

Ҡот осҡос авария: тотош ғаилә һәләк булған 😭😭😭Машинала ата-әсә, 8 һәм 10 йәшлек балалар ултырған... Авария тураһында: https://bashgazet.ru/articles/kh-ef-e-lek/2026-06-09/ot-os-os-avariya-totosh-ail-l-k-bul-an-4715220

💥 70 йәшлек инәй гуманитар ылау менән МХО-ға юллана 🔶 Арабыҙҙа шундай һоҡланғыс кешеләр бар. Улар тирә-яҡ донъяға нур, ҡот сәсеп йәшәгән һымаҡ. Миәкә районының Ҡырғыҙ-Миәкә ауылында йәшәүсе Нәбирә Фәхретдинованың булмышы ла башҡаларға изгелек итеүгә ҡоролған. Һөнәре буйынса педагог ул. Оҙаҡ йылдар район мәғариф бүлегендә инспектор булып хеҙмәт иткән. 2010 йылда хаҡлы ялға сыҡҡас, райондың ветерандар ойошмаһы рәйесе итеп тәғәйенләнә. Шул осорҙан илһөйәрлек буйынса сараларҙың уртаһында ҡайнап йәшәй. 🔷2022 йылда махсус хәрби операция башланғас, яугирҙәргә ярҙам ойоштороу эшенә сума. Район үҙәгенең ситендәрәк йәшәгәс, йөрөүе уңайлы булыр тип машина йөрөтөргә уҡый. Һалдаттарға ярҙам ташығанда был оҫталығы ла ярап ҡала. ♦– Махсус хәрби операция башланған йылда район үҙәгендә маскировка селтәрҙәре үреүҙән башлап ебәрҙек эшебеҙҙе. Оло йәштәге апайҙар, ағайҙар был башланғысты дәррәү күтәреп алды. Һуңынан районыбыҙҙың башҡа ауылдары ла ҡушылды. Әлеге көндә районыныбҙҙа 36 урында маскировка селтәрҙәре үрелә. Күпселеге хаҡлы ялдағылар, эшебеҙҙе китапхана, клуб хеҙмәткәрҙәре менән берлектә алып барабыҙ. Маскировка селтәрҙәрен үреү өсөн беҙгә районыбыҙ эшҡыуары бина бүлде. Ошонда ауылдарҙан гуманитар ярҙам да йыйыла. Оло йәштә булһалар ҙа яҡташтарымдың шул тиклем берҙәм булыуы һоҡландыра. Район үҙәге ситендәрәк, 3-4 километр йыраҡлыҡта йәшәһәләр ҙә, маскировка селтәре үргән ергә кемдер йәйәү, кемдер такси менән килеп етә. Халыҡ шул тиклем дәррәү, маскировка селтәренә материал алыуға аҡса йыйырға тигәндә лә ситтә ҡалмайҙар. Бик әүҙем ирекмәнебеҙ Луиза Әхмәтшина менән һалдаттарға ярҙам сараларын берлектә алып барабыҙ, нимә кәрәклеген дә уларҙан һорашып тора. Барыһын да яугирҙәрҙең һорауы буйынса эшләйбеҙ. Үҙебеҙҙең егеттәребеҙҙе күреп, әйберҙәрҙе тапшырып ҡайтыу ниәтендә Луиза Әхмәтшина менән бергәләп яугирҙәр янына барып ҡайттыҡ, – тип һөйләп алып китте Нәбирә Хәмзә ҡыҙы. 🔶Оҙон юл да, ауырлыҡтар ҙа, хәүеф тә ҡурҡытмай Нәбирә апайҙы. Былтыр сентябрҙә алыҫ сәфәргә юллана. Тыуған көнөн, үҙенең 71 йәшен дә ул сәфәрҙә ҡаршылай, Курск яғына барған мәлгә тура килә ғүмер байрамы. Курск, Луганск, Запорожье яҡтарында булып, яугирҙәребеҙҙе күреп, ярҙамды ҡулдарына тапшырып ҡайталар. 🔷 – Һалдаттарыбыҙҙың хәлдәрен белешеп, йәшәгән блиндаждарын ҡарап, районыбыҙҙан кәрәкле әйберҙәрҙе тапшырып ҡайттыҡ. Рәхмәттәр әйтеп, күңелдәре булып ҡалды. Юл бик оҙон булһа ла, еңел йөрөлдө. Яугирҙәрҙе күрәм тигән маҡсатым ҙур булыуы ла быға булышлыҡ иткәндер. Ялға ҡайтҡанда үҙҙәре лә маскировка селтәре үргән ергә керәләр. Һалдаттар менән тығыҙ бәйләнештә эшләйбеҙ. Райондаштарыбыҙ ҙа ярҙам күрһәтеү яғынан бик әүҙем. Генератор, РЭП приборы кеүек ҙур әйберҙәр ҙә алып ебәрҙек, өй күстәнәстәренән, башҡа кәрәк-яраҡтарҙан да өҙмәйбеҙ. Материал булмай тороп эш тотҡарлана башланһа ла, апайҙар түҙмәй. Саҡырыуҙы ишетеү менән ашҡынып килеп етәләр. Шунда аралашабыҙ, ял ваҡытында сәй эсеп алабыҙ. 4-5 минут сәй эсәләр ҙә “эш ҡала” тип йәнә станок артына баҫалар. Арабыҙҙа уҡытыусы ветерандар күп. Улар араһында иң олоһо Нәфисә Хәкимова, уға 80 йәш тулып килә. Шулай ҙа маскировка селтәрен үреүҙән ҡалғаны юҡ. 70 йәштән уҙған апайҙарыбыҙ бик күп. Ай һайын 200-ҙән ашыу 3х6 ҙурлыҡтағы маскировка селтәрен үреп яугирҙәргә ебәреп торабыҙ. Был йәһәттән Ҡаран, Ҡасыған, Оло Кәркәле, Өршәк, Әнәс ауылдары халҡы әүҙемлек күрһәтә. Бәләкәй генә Ерекле тигән ауыл халҡы тураһында айырым әйтеп китер инем. Был ауылда мәктәп, клуб юҡ. Ауыл ҡатындары улы махсус хәрби операциялағы әсәй Людмила Акимованың йортона кистәрен йыйылып төнгә тиклем маскировка селтәрҙәре үрә. Залда маскировка селтәрҙәре эшләйҙәр, аш-һыу бүлмәһендә туҡмас киҫәләр. Ул йортта Людмила Федоровнаның 92 йәшлек әсәһе лә йәшәй. Ул да таҫмалар киҫешеп, һалдаттарға ярҙам итә. Ошондай яҡташтарыбыҙға күңелдә бары тик һоҡланыу һәм рәхмәт һүҙҙәре генә, – тине райондаштары менән ғорурланып. ✅Резеда Шәңгәрәева. ✅Фото: Р. Фәхретдинованың шәхси архивынан.

❤️ Тыныс йоҡо! Яҡшы ялдар һеҙгә. Һеҙҙең дә баҡсағыҙ уңышы менән ҡыуандырһын.

☀ Хәйерле иртә, республика! 🔷Арыҫлан Тимеров бөгөнгө аяҙлы-болотло, ямғырлы, һалҡын ел иҫкән һауа торошо кеүек һағышлы йыр-сәләмен юллай. ❗️Башҡортостан буйлап һауа температураһы +15, +18 градус булыр тип көтөлә.