Аналитика каналаMax«Башҡортостан» гәзите / Газета «Башкортостан»

🏔⚡️Рөстәм Нәбиев - Эверест (8848 метр) түбәһендә! "20 майҙа, Непал ваҡыты буйынса иртәнге 8 сәғәт 16 минутта, альпинизм тарихында тәүге тапҡыр мин, Рөстәм Нәбиев, Эверест түбәһенә ҡулдарымда ғына менеп еттем! Мин был артылыуҙы әле мине күҙәткән һәр кемгә бағышлайым. Был ҡылыҡ менән бер генә нимә әйтергә теләйем: әле йәшәйһегеҙ икән, көрәшегеҙ! Ахырғаса тиклем көрәшегеҙ, зинһар!" - тип яҙған Нәбиев, Эверест түбәһендә плакат тотоп төшкән фотоһын беркетеп. ✅Фото: Р. Нәбиев.

💐 Журналист, продюсер, алып барыусы, етәксе, тынғыһыҙ ижадсы Рита Ришат ҡыҙы Өмөтбаева "Рәсәй Федерацияһының атҡаҙанған мәҙәниәт хеҙмәткәре" тигән юғары исемгә лайыҡ булды! Рита Ришат ҡыҙының күп йыллыҡ фиҙакәр хеҙмәте, башҡорт халҡының сәнғәтен үҫтереүгә индергән өлөшө ҙур хөрмәткә лайыҡ.

🧗 Эверест: Рөстәм Нәбиевкә түбәгә тиклем 448 метр ҡалды Яҡташыбыҙ Рөстәм Нәбиев донъяның иң бейек түбәһе Эвересты (8848 метр) яулай. 💥 Бөгөн иртән ул 4-се лагерға менеп етте. Кискә ҡарай иһә - "балкон"ға. Тауҙың ситендәге ошо урындан ярты сәғәттән - Непал ваҡыты менән 23-00-дә - ул түбәгә артыла башлаясаҡ. Ҡалған 448 метр бейеклекте иртәгә иртән менеп етергә тейеш. 📍Әлбиттә, альпинистар сираты ҙур булмаһа. Быйыл планетанан 500-гә яҡын кеше Эвересты яуларға йыйына. Ике аҙнанан был маршрут ябыла, сөнки һауа торошо май аҙағынаса ғына бындай мөмкинлек бирә. 🙏 Рөстәмгә уңыштар теләйек!

🏔 Эверест: Рөстәм Нәбиев рәхмәт әйтә Яҡташыбыҙ Рөстәм Нәбиев донъяның иң бейек түбәһенә ҡулдары ярҙамында ғына менгән беренсе кеше булды. 🤝 Әле ул был еңеүе өсөн тапшырылған миҙалын күрһәтте. Шулай уҡ уға ышанған һәм көткән ғаиләһенә рәхмәт белдерҙе.

🦢 Ҡыр ҡаҙҙары 📝 Рафаэль Сафин. ✨ Өндә түгел, төштә күрҙем уны: яҙғы таңдың һыҙылып атҡанын, көмөш сынйыр булып, теҙелешеп, ҡыр ҡаҙҙары осоп ҡайтҡанын. Ер йәм-йәшел ине, күк — зәп-зәңгәр. Шундай яҡты, сыуаҡ яҙ ине, ергә, күккә — төпһөҙ зәңгәрлеккә баҡ та аҡылыңдан яҙ инде. Шундай яҡты, сыуаҡ яҙ ине! Ҡыр ҡаҙҙары осоп килә ине, таң нурына мансып түштәрен... Ниңә әле шул төш онотолмай, онотолғанда башҡа төштәрем? Ҡыр ҡаҙҙары осоп килеп төштө тымыҡ күл буйына — таллыҡҡа. — һаумыһығыҙ, ҡаҙҙар!—тигән инем... — һаумы, яҡташ! — тигән тауышҡа ышанмай ҙа торҙом. Минең алда ҡаҙҙар түгел ине, — һалдаттар. Түштәрендә сыңлай миҙалдары, шинелдәрен тәрәп алғандар. — һаумы, туған! - тиҙәр. Беҙҙе,-тиҙәр, онотманымы әле яҡташтар? Иҫләйҙәрме әле? Беҙ бит,— тиҙәр,— яуҙа үлеп ҡалған һалдаттар. Ер уянған саҡта нисек итеп йоҡлап ятмаҡ кәрәк ҡәберҙә! Ҡыр ҡаҙҙары булып тыуған яҡҡа ҡайтып төштөк бына хәҙер ҙә. Тәбиғәттен уяу бер мәлендә яҙ һайын беҙ шулай итәбеҙ: һабан һөрөп киткән еребеҙҙе, һаман көткән әсәләребеҙҙе, балаларыбыҙҙы, бисәләребеҙҙе яҙ һайын бер күреп китәбеҙ. Тик үҙҙәре генә күрмәй ҡала. Күренәбеҙ бары төштә беҙ. Төштә генә беҙгә, төштә генә осрашырға хоҡуҡ бирелгән, һәм бары тик ҡаҙҙар булып ҡына ҡайталабыҙ осоп беҙ илгә. һеҙҙән беҙгә бер ни кәрәк түгел, тик шуға һеҙ ҡолаҡ һалығыҙ: онотмағыҙ беҙҙе, онотмағыҙ! Йышыраҡ беҙҙе иҫкә алығыҙ! Ҡояшлы ла булыр көндәрегеҙ, аяҙ күкте ҡаплар болот та. Онотмағыҙ беҙҙе! Онотһағыҙ, ҡайталмабыҙ ҡаҙҙар булып та. Шулай тинеләр ҙә юғалдылар. Ә бөгөн мин, бөгөн, таң ҡалып, төштә түгел, өндә ҡарап торҙом яҙғы таңдың һыҙылып атҡанын, көмөш сынйыр булып, теҙелешеп, ҡыр ҡаҙҙары осоп ҡайтҡанын. Рәмилә Мусина видеояҙмаһы.

🏔Эверест: Рөстәм Нәбиев Өфөгә ҡайтты Непалда урынлашҡан донъяның иң бейек түбәһенә артылған яҡташыбыҙ Рөстәм Нәбиев Өфөгә ҡайтты. 👏 Аэропортта уны ғаиләһе, яҡындары, яҡташтары ҡаршы алды. ❗️Нәбиев Эвересҡа (8848 метр) ҡулдарында менгән Ер йөҙөндәге иң беренсе кеше булды. ✅ Сығанаҡ: Честный репортаж.

💥Бейә ярҙам һорап килә Иглин районында ат машинала китеп барған кешеләргә ҡаршы килеп, уларҙың иғтибарын йәлеп итергә тырыша. Асыҡланыуынса, юҡҡа түгел. 🆘 Баҡтиһәң, был бейәнең ҡолоно ҡайын олондары араһында ҡыҫылып ҡала һәм ысҡына алмай. 👏 Фермер Сәғитйән Иҙиәтуллин малҡайға ярҙам итә. Ҡотолған ҡолон инәһе менән уйнаҡлап сабып китә. ✅Сәғитйән Иҙиәтуллин видеоһы.

✨ Рөстәм Нәбиев ҡотлауҙарығыҙға рәхмәт әйтә һәм юлға йыйына Бөгөн билдәле яҡташыбыҙға 34 йәш тулды, һәм ул Эверест түбәһен яуларға сыҡты. Шул айҡанлы видео яҙҙырған. 🤝 Юлың уңһын, Рөстәм! ✅Видео: Р. Нәбиевтең шәхси архивынан.

🌄 Эверест: Рөстәм Нәбиев хәл иткес артылышҡа әҙерләнә Кисә кис яҡташыбыҙ ингән төркөм имен-аман 3-сө лагерҙан 4-сегә (7900 метр) барып етте. 2-сенән 3-сөгә менеүгә 4,5 сәғәт ваҡыт китһә, был юлы юлға 14 сәғәт сарыф ителгән. 📍Төндә ял иткәс, бөгөн иртән Рөстәм 4-се лагерь менән түбә араһында ятҡан "балкон" тип аталған урынға (8400 метр) йүнәлде. 🔥 Төнөн иһә Эверест түбәһен (8848 метр) штурмлай башлайҙар. ❗️Видеонан күренеүенсә, ел булһа ла, көн ҡояшлы. Иң мөһиме - буран сыҡмаһын. Эвереста апрель-майҙа ғына һауа торошо тауға менергә мөмкинлек бирә. ⚡️Иртәгә ҡыуаныслы хәбәр ишетергә яҙһын 🙏🏼 ✅Видео: Р. Нәбиев.

💥 Видео: Рөстәм Нәбиев - Эверест түбәһендә 📹 Яҡташыбыҙҙың донъяның иң бейек түбәһенә менеү хәбәре һәм унда төшкән фотоһүрәте артынса видеояҙмаһы ла килеп етте. Ул был турала хис-тойғоло итеп хәбәр яҙған. Унда беҙҙең һәр беребеҙгә өндәшкән, уҡығыҙ: https://bashgazet.ru/articles/y-m-i-t/2026-05-21/r-st-m-n-biev-everest-8848-metr-t-b-end-4695199 ✅Видео: Р. Нәбиев архивынан.