Аналитика каналаMax«Башҡортостан» гәзите / Газета «Башкортостан»

📌 Петербург халыҡ-ара иҡтисади форумы һөҙөмтәләре Форум майҙансыҡтарында Башҡортостан өсөн бер нисә мөһим килешеүгә ҡул ҡуйылды — был республикаға яңы инвестициялар һәм үҫеш мөмкинлектәре ▪️ «Автодор» менән хеҙмәттәшлек киңәйтелде — юл һәм транспорт инфраструктураһын үҫтереү буйынса яңы проекттар старт ала ▪️ «Росагролизинг» менән килешеү төҙөлдө — республикаға 10 миллиард һумлыҡ инвестиция һәм яңы ауыл хужалығы техникаһы йәлеп ителә ▪️ Хәйбулла районында «Полиметалл» проекты ғәмәлгә ашырыла — 11,6 миллиард һум инвестиция һәм 400-ҙән ашыу яңы эш урыны ▪️ Балалар спортын үҫтереү буйынса килешеү төҙөлдө — триатлон өсөн ҡорамалдар һатып алыу һәм тренерҙар әҙерләү ҡаралған ▪️ Өфө һәм Стәрлетамаҡтағы эсемлек етештереүсе предприятиеларға инвестициялар йәлеп ителә — етештереү күләме арттырыла һәм яңы продукция төрҙәре үҙләштерелә ▪️ «Росагролизинг» компанияһы менән килешеү һөҙөмтәһендә — эш урындары, республика бюджетына өҫтәмә килем һәм ауыл хужалығы өсөн яңы мөмкинлектәр 🤝 Килешеүҙәр Башҡортостан иҡтисадын үҫтереүгә һәм халыҡтың тормош сифатын яҡшыртыуға йүнәлтелгән

Бәләкәй генә Һыртлан ауылы халҡы үҙҙәренең батырҙары тураһында  иҫтәлекте ҡәҙерләп һаҡлай. Бөйөк Ватан һуғышында һәләк булғандарҙың исем-шәрифтәре яҙылған стела, Советтар Союзы Геройы Садиҡ Һайрановҡа бюст ҡуйылған. 26 майҙа, бөтә ил буйынса билдәләнгән сик һаҡсылары көнө алдынан бөтә быуын сик һаҡсылары хөрмәтенә иҫтәлекле билдә асылыуы ла һыртландарҙың илһөйәрлегенә асыҡ миҫал.  Беҙҙең тыныс йоҡоно һаҡлаған, Ватан сиктәрен ҡалҡан булып ҡаплаған ир-егеттәргә бағышланған билдәне асыуҙы район, ауыл биләмәһе хакимиәте менән кәңәшләшеп хәл иткән ҡасандыр сик буйы һаҡсылары булып хеҙмәт итеүселәр. Уны асыу тантанаһында район хакимиәте башлығы Зәбир Ғабдуллин ҡатнашты. -2005 йылдан сик буйы ғәскәрҙәренә хәрби хеҙмәткә алыу туҡтатылғайны. Былтыр сроклы хеҙмәткә алыу тергеҙелде, бөгөн Мәләүез районынан бер нисә егет сик һағында тора, - тине ул ҡотлау сығышында. Был иҫтәлекле урын яҡын-тирәләге ауылдарҙан да сик буйы хеҙмәте ветерандарын йыйыу урынына әйләнеүен  теләне. Ауыл биләмәһе башлығы Ринат Әлмөхәмәтов,  райондың сик буйы ғәскәрҙәре ветерандары советы рәйесе Владимир Дятлов ошо ауылда тыуып үҫкән, сик һағында хеҙмәт иткән һәм иҙтәлекле билдәне асыу идеяһын тәҡдим иткән Айнур Мөхәмәтовҡа, башҡа ярҙамсыларға  рәхмәт белдерҙе. Сараны үҙешмәкәр артистарҙың илһөйәрлек рухындағы сығыштары биҙәне.

🌳Өфөлә Рихард Зорге исемендәге скверҙа төҙөлөш эштәре бара. Паркта Рәсәй Геройы Денис Чернавин етәкселегендә партия вәкилдәре булып китте. МХО ветераны йәмәғәт эштәрендә әүҙем ҡатнаша. 📌 Бында эштәр нисек бара, төҙөлөш ойошмаһы объектты ваҡытында тапшыра аламы - был турала видеояҙмала ҡарағыҙ.

😍“Башҡортостан” гәзите – Архангелдең Убалар ауылында Ауылдарыбыҙ – рух усағы. Уларҙан күңелгә ял алып, ғәм, сәм туплап ҡайтабыҙ. Ошо көндәрҙә Архангел районының Убалар ауылында ла булып, халҡыбыҙҙың рух, ихтыяр көсөнә йәнә һоҡландыҡ. (Гөлсирен Мәзитова видеояҙмаһы).

💥 Ҡоллоҡтан ҡотолған егет хәҙер кәләш алған, йорт һалған, балалар үҫтерә Беҙҙең көндәрҙә лә кешене ирекһеҙләп тотоу осраҡтары бар. Таныштарым шундай Баймаҡ егетен ҡотҡарып, икенсе районда һыйыныр урын бирә. Хәҙер уның тормошонда барыһы ла яҡшы. Был ҡурҡыныс та, ҡыҙғаныс та тарихты сайтыбыҙҙа уҡығыҙ: https://bashgazet.ru/news/y-m-i-t/2026-03-28/ollo-tan-otol-an-eget-h-er-k-l-sh-al-an-yort-al-an-balalar-ter-4631135

❗❗❗Илгә эшселәр кәрәк! Йыл башында төбәк Башлығы Радий Хәбиров социаль селтәрҙәге яҙмаһында 2026 йылда һигеҙ колледжды ремонтлау тураһында әйтте. Ә дөйөм алғанда, һөнәри уҡыу йорттарын яңыртыуға йүнәлтелгән программа бойомға ашырыла башлағандан алып барлығы 29 учреждение өр-яңы төҫ алған, уларҙа 30 меңдән ашыу студент белем ала. Тулыраҡ: https://bashgazet.ru/articles/belem-m-t-rbi/2026-06-05/ilg-eshsel-r-k-r-k-4712179

☔ Хәйерле иртә! 🙌 Изге йома тик изгелектәр алып килһен! ✅ Беҙҙең МАХ каналына яҙылығыҙ: https://max.ru/gazetabashkortostan. Рәмилә Мусина видеояҙмаһы.

🚑 Был ярҙам госпиталгә юлланды   🙏 Дүртөйлө районы ла махсус хәрби операция биләмәһенә даими рәүештә гуманитар ярҙам ебәреп тора. Май айында улар 38-се ярҙам йөгөн яугирҙәргә алып барғайны, яңыраҡ тағы ла бер ылауҙы госпиталгә оҙаттылар.   – Дүртөйлө районынан мөһим миссия менән Дондағы Ростовҡа гуманитар йөк оҙаттыҡ. Ярҙам махсус хәрби операция яугирҙәр дауаланған урындағы госпиталгә алып барҙылар. Шәхси транспортта посылкаларҙы яҡташыбыҙ Филүс Бөркөт алып китте, ул гуманитар конвойҙы даими оҙатып алып барып тора.   Дарыуҙар, гигиена саралары, кәрәк-яраҡтар, шулай уҡ Дүртөйлө оҫталары һәм ирекмәндәре әҙерләгән әйберҙәр ебәрҙек. Беҙҙең йылылыҡтың бер өлөшө госпиталдәге егеттәрҙе ҡыуандырыр, уларға тиҙерәк һауығырға ярҙам итер, тип ышанғы килә. Һәр шундай йөк – яҡташтарыбыҙға уларҙың батырлығы һәм сыҙамлығы өсөн рәхмәт һүҙҙәре ул. Был ярҙамды йыйыуға үҙ көсөн һәм йәнен һалған вайымһыҙ булмаған кешеләргә ихлас рәхмәт. Филүскә ышаныслы кеше булғанға һәм гражданлыҡ позицияһы өсөн айырым рәхмәт, – тине Дүртөйлө районы хакимиәте башлығы Риф Йосопов.   Автор: Р. Мусина. Фото: Риф Йосоповтың “Бәйләнештә”ге сәхифәһенән.